ເຄາະຊ້ຳກຳຊັດ ນ້ຳລະບາຍບໍ່ທັນ ຖ້ວມທາງໂພນຫມີໂພນຊອງ

ວານນີ້ 10/7/2017 ຕອນສວຍເວລາປະມານ 3ໂມງແລງເກິດຝົນຕົກຫນັກຢູ່ເຂດໂພນຫມີໂພນຊອງ ເຮັດໃຫ້ນ້ຳບໍ່ສາມາລະບາຍອອກທັນຈົນຍື່ງຖ້ວມທາງ ແລະໄລອອກຖ້ວມເຮືອນປະຊາຊົນເຂດອ້ອມທາງຢ່າງໄວວາ

ທາງແຕ່ສາມແຍກໂພນຫມີ ຫາ ທ່າລາດ ເປັນທາງທີ່ກຳລັງກໍ່ສ້າງ ຍັງບໍ່ທັນສຳເລັດ ພຽງແຕ່ເປັນທາງດີນແດງ ດັ່ງນັ້ນເມື່ອເວລານ້ຳຖ້ວມຈື່ງເປັນຂີຕົມສີແດງຂຸ້ນ  ແລະ ມີຄວາມລຳບາກມີໃນການໄປມາ

ໃນທຸກຊ່ວງລະດູຖືວ່າມີຄວາມຫຍຸ້ງຍາກທີ່ສຸດໃນການສັນຈອນທາງເສັ້ນດັ່ງກ່າວ ໃນລະດູແລ້ງກໍ່ເປັນຂີ້ຝຸ່ນໃຫງ່ຟຸ້ງໄປທົ່ວ..ເຮັດໃຫ້ເປັນບັນຫາໃຫ້ແກ່ເຮືອນຊານຂອງປະຊາຊົນທີ່ຢູ່ອ້ອມຂ້າງຫລາຍ...  

ໃນເວລາຝົນຕົກກໍ່ເປັນຕົມ ແລະ ນ້ຳຂັງ ຈົນກໍ່ໃຫ້ເກິດຫາງສຽງຂອງປະຊາຊົນໃນອ້ອມຂ້າງ ແລະ ນັກທ່ອງທ່ຽວຜູ້ໄປມາໃນເສັ້ນທາງດັ່ງກ່າວ ແຕ່ ເສັ້ນທາງດັ່ງກ່າວກໍຍັງບໍ່ໃດ້ຮັບການແກ້ໄຂ ແຕ່ ລ່າສຸດ

ທ່ານ ສຸມຸນທາ ສົມຈັນມະວົງ ຫົວຫນ້າ ພະແນກໂຍທາທິການ ແລະ ຂົນສົ່ງ ອອກມາຊີ້ແຈງເຖີງບັນຫາດັ່ງກ່າວແລ້ວ ໂດຍມີເນື້ອໃນປະມານວ່າ ໃນໄລະທີ່ຜ່ານມາ ແຂວງວຽງຈັນ ໃດ້ມີການສຸ່ມໃສ່ການພັດທະນາເສັ້ນທາງຫລາຍເສັ້ນ ທີ່ເປິດໃຫ້ເອກະຊົນລົງທືນກ່ອນ ຈົນກໍ່ໃຫ້ເກິດຫນີ້ສີນຫລາຍ ທາງລັດຖະບານຈື່ງສັ່ງໃຫ້ໂຈະການລົງທືນກ່ອນ ແລະ ບໍ່ອະນຸຍາດໃຫ້ສະຖາບັນການເງີນປ່ອຍເງີນກູ້ໃຫ້ແກ່ບໍລິສັດ  ດັ່ງນັ້ນບໍລິສັດຈື່ງບໍ່ມີເງີນໃນການສືບຕໍ່ກໍ່ສ້າງຈື່ງຈຳເປັນຕ້ອງໂຈະການກໍ່ສ້າງໄວ້ຊົ່ວຄາວ.